పెద్దపండగ

భోగిమంట, పొయిలో కర్ర
ఇచ్చినమ్మ పుణ్యం, ఇవ్వనమ్మ పాపం
మీ పిల్లల్లేరా, మా ఇంటికి రారా
పిడకల దండలు, చితుకుల పోగులు
చలిచలి మంట, వేద్దామంట
అందరు వచ్చి, చూస్తారంట
------
ఇలాగ వీధిలో కుర్రాళ్ళు చేసే హడావిడీ, రథం ముగ్గులూ, హరిదాసు సంకీర్తనలూ, బసవన్నల మెళ్ళో సవ్వడులూ, గంగిరెడ్ల వాళ్ళ సన్నాయి వాయిద్యాలూ, టైలరు కొట్టు ముందు పడిగాపులూ, పట్టుచీరతో పెద్దక్క, చిరునవ్వుతో చిన్నక్క, మూతి ముడుచుకుని మూడో అక్క (యండమూరి ఆనందోబ్రహ్మ), భోగిపళ్ళూ, పిండివంటలూ, మొదలైన వాటితో సందడిగా జరిగే తెలుగువారి నాలుగు రోజుల పెద్దపండగ - అందరికీ శుభాకాంక్షలు.